Адміністрацыя Лукашэнкі ўзялася за малако
- 30.10.2007, 10:45
Кіраўнік Адміністрацыі прэзідэнта Генадзь Нявыглас лічыць, што праблему забеспячэння перапрацоўчых прадпрыемстваў малаком можна вырашыць за кошт павелічэння яго вытворчасці. Пра гэта ён заявіў на пасяджэнні Менскага аблвыканкама.
Як паведамляе Менаблвыканкам, Г. Нявыглас заклікаў кіраўнікоў аблвыканкама, абласных структур, старшыняў райгарвыканкамаў працаваць на перспектыву, наладжваць больш эфектыўнае супрацоўніцтва з рэспубліканскімі ведамствамі, арганізацыямі, прадпрыемствамі для выхаду на новы ўзровень эканамічнага развіцця вобласці.
Кіраўнік Адміністрацыі прэзідэнта парэкамендаваў абласным уладам больш сур’ёзна рэагаваць на крытычныя заўвагі насельніцтва, больш актыўна наводзіць парадак на зямлі, прыцягваць лепшыя сілы для развіцця малых і сярэдніх гарадоў. «Сярод кіраўнікоў вобласці шмат новых людзей, – адзначыў Г. Нявыглас. – Яны павінны больш адважна прапаноўваць новыя ідэі і канцэпцыі».
