Па-за зонай доступу
1- 8.11.2007, 15:10
Амаль два месяцы прайшло з таго часу, як экс-старшыня “палаты прадстаўнікоў” Уладзімір Канаплёў напісаў заяву пра сыход з пасады па стане здароўя.
Навіна пра тое, што Канаплёў так дрэнна сябе адчувае, што не можа выконваць абавязкі “спікера”, выклікала шмат самых розных гутарак. Адны казалі, што здароўе – гэта толькі падстава, а сапраўдная прычына сыхода зусім іншая. Другія з веданнем справы паведамлялі, што Канаплёў пакутаваў на астму. І сцвярджалі, што неўзабаве яго чакае аперацыя.
Сам Канаплёў і яго блізкія на сувязь з журналістамі пакуль выходзіць адмаўляюцца... Іх мабільныя тэлефоны па-за зонай доступу, паведаміла “Народная воля”.
