Візы даражэюць
- 8.11.2007, 15:39
Урад Эстоніі на пасяджэнні ў чацвер ухваліў законапраект, які падвышае пошліну за выдачу візы пасля далучэння краіны да шэнгенскай візавай прасторы.
"Калі Эстонія хоча стаць з 21 снежня сябрам шэнгенскай візавай прасторы, то пошліны за візы для грамадзян трэціх краін павінны быць такімі ж, як у іншых краін Шенгена", – сказаў журналістам прэм'ер-міністр Андрус Ансіп (Andrus Ansip).
"Гэта дрэнная навіна для тых, хто хоча прыехаць у Эстонію", – дадаў А.Ансіп.
Цяпер для ўезду ў Эстоніі трэба заплаціць за візу ад 310 да 545 крон (15,6EEK/1EUR), пасля ўступлення ў шэнгенскую зону будзе ўсталяваная адзіная пошліна ў 940 крон або 60 еўра.
Эстонія, як чакаюць, уступіць у Шэнгенскую зону 21 снежня. З гэтага дня па шэнгенскай візе можна будзе перасекчы марскую або сухапутную мяжу краіны. Паветраная мяжа будзе адкрытая ў сакавіку будучага года.
