Украіна ўступае ў СГА
- 17.12.2007, 10:28
Украіна можа ўступіць у Сусветную гандлёвую арганізацыю ўжо 20 снежня. Пра гэта заявіў у інтэрв'ю 5 каналу Прэзідэнт Украіны Віктар Юшчанка.
Паводле яго слоў, Украіна ўжо ўшчыльную наблізілася да сяброўства ў СГА, ужо склала ўсе неабходныя дамоўленасці.
Раней паведамлялася пра тое, што ў Сакратарыяце прэзідэнта разлічваюць, што Украіна ўступіць у Сусветную гандлёвую арганізацыю да першай паловы студзеня 2008 года.
Уступленне Украіны ў СГА дасць магчымасць мясцовым вытворцам магутна трымацца на ўжо наяўных сусветных рынках, а таксама адкрываць новыя.
Як паведамлялася, Еўрапейскі Звяз высунуў апошняе патрабаванне адносна ўступлення Украіны ў СГА. Для таго, каб стаць 152-м сябрам гэтай сусветнай арганізацыі, Кіеву неабходна выканаць патрабаванне Брусэля адносна перагляду рэгуляцыі па экспартнай пошліне.
