Чавес прайграў рэферэндум

Большасць грамадзян Венесуэлы прагаласавалі супраць канстытуцыйнай рэформы прэзідэнта краіны Уга Чавеса, якая пашырае прэзідэнцкія паўнамоцтвы. Паводле дадзеных Нацыянальнага выбарнага савета Венесуэлы пасля падліку 90% бюлетэняў, 50,7% венесуэльцаў не падтрымалі адпаведныя папраўкі ў канстытуцыю Венесуэлы.

У нядзелю, 2 снежня, у Венесуэле прайшоў рэферэндум, падчас якога грамадзяне краіны выказалі сваё стаўленне да змяненняў канстытуцыі, прапанаваных прэзідэнтам Уга Чавесам. Крытыкі прэзідэнта Чавеса абвінавачваюць яго ва ўзурпацыі ўлады, а прыхільнікі настойваюць на тым, што рэформы дапамогуць умацаваць дэмакратыю ў Венесуэле.

Прапанаваныя Чавесам змяненні, якія адмяняюць, у прыватнасці, абмежаванні на перавыбранне аднаго і таго ж чалавека на пасаду прэзідэнта, падтрымалі 49,29% удзельнікаў рэферэндуму. Усяго прэзідэнт прапанаваў унесці ў канстытуцыю краіны 33 змянення.

У прыватнасці, прапаноўваецца аддаць цэнтральны банк краіны пад кантроль прэзідэнта, а таксама плануюць стварыць новыя правінцыі, якія будуць падпарадкоўвацца цэнтру, і ўрэзаць правы мясцовага самакіравання.

Чавес таксама прапанаваў урэзаць працоўны дзень да шасцігадзіннага, і абвясціць 16 гадоў узростам, які дае права на ўдзел у выбарах, замест 18, як гэта было раней.

Як паведаміла старшыня Нацыянальнага выбарнага савета Цібісай Лусена, у галасаванні ўзялі ўдзел каля 16 мільёнаў чалавек. Усенародны рэферэндум прайшоў спакойна, сур'ёзных парушэнняў не адзначанае, перадае РІА "Новости".

Парадак на 33 тысячах выбарных участкаў забяспечвалі больш за 145 тысяч вайскоўцаў.