Менская міліцыя падтрымала Еўрапейскі Марш
- «Джинс – за Свабоду!»
- 25.09.2007, 10:03
Незвычайная акцыя была заўважаная 23 верасня ўвечары ў цэнтры Менска. Прыкладна ў 20.00 людзі, якія гулялі па Кастрычніцкай плошчы, убачылі на адным з будынкаў шасцімятровы плакат сіняга колеру, на якім быў намаляваны сцяг Еўразвяза і напісаныя дата і месца пачатку Еўрапейскага Марша. Але самае цікавае было ў тым, што па страсе бегаў працаўнік міліцыі.
Пры гэтым ён гучна крычаў і махаў рукамі. Было незразумела – ці то ён спрабаваў паправіць плакат, ці то яго зняць, каб павесіць у іншым месцы. Усё гэта скончылася тым, што міліцыянт усё-ткі дабраўся да месца. Але калі ён пацягнуў плакат на сябе, з яго на плошчу паляцела некалькі дзесяткаў улётак.
