Лаўроў: Узаемаадносіны з Беларуссю патрабуюць «адмысловай увагі»
- 26.09.2007, 10:40
Узаемаадносіны з Беларуссю патрабуюць адмысловай увагі. Пра гэта заявіў кіраўнік МЗС РФ Сяргей Лаўроў, каментуючы на просьбу карэспандэнта «Росбалта» сустрэчу з міністрам замежных спраў Беларусі Сяргеем Мартынавым, якая мае адбыцца.
«Чым цясней стасункі, тым больш існуе практычных пытанняў, якія патрабуюць паўсядзённай увагі», – сказаў Сяргей Лаўроў. Ён растлумачыў, што «рыхтуецца для разгляду ўсяго комплексу нашага ўзаемадзеяння з Беларуссю паседжанне «саюзнага» урада».
«Цяпер, калі ўжо новы склад расейскага Урада вядомы, я думаю, дамоўленасць па тэрмінах з’явіцца», – выказаў надзею кіраўнікоў расейскага МЗС.
«А на маіх сустрэчах з міністрам замежных спраў Беларусі Сяргеем Мартынавым мы будзем, як звычайна, абмяркоўваць наша ўзаемадзеянне ў міжнародных справах, у ААН, у АБСЕ, у рамках інтэграцыйных структур на постсавецкай прасторы – ЕўрАзЭС, ОДКБ, СНД. Праз дзесяць дзён адбудуцца паседжанні ўсіх гэтых трох структур, мы абмяняемся меркаваннямі пра тое, як мы бачым далейшае развіццё ўзаемадзеяння ў гэтых фарматах», – сказаў Сяргей Лаўроў.
«Вядома, мы будзем абмяркоўваць супрацоўніцтва па наяўных пытаннях, якія вынесеныя ў парадак дня Сесіі Генеральнай Асамблеі ААН. У нас з Беларуссю ёсць дакументы, якія фіксуюць, што мы праводзім сумесную знешнюю палітыку, і мы будзем гэта працягваць», – падкрэсліў расейскі міністр.
