У авіякатастрофе загінулі «ключавыя фігуры» ВПС Польшчы

Як паведамлялася раней, польскі ваенна-транспартны самалёт тыпу CASA-С295М разбіўся ў Заходне-паморскім ваяводстве ў наваколлях Міраслаўца (Miroslawiec), дзе размешчаны вайсковы аэрадром. Загінулі ўсе пасажыры і члены экіпажа, самалёт цалкам згарэў. Камандуючы ВПС Польшчы, генерал Анджэй Уласік апублікаваў спіс загінуўшых у авіякатастрофе ваенна-транспартнага самалёта, перадае карэспандэнт РІА “Новости”.

Паводле яго слоў, усяго загінулі 20 чалавек – чатыры члены экіпажа і 16 вышэйшых афіцэраў ВПС Польшчы.

Сярод загінуўшых – генерал Анджэй Анджэеўскі, падпалкоўнік Здзіслаў Чэсьлік, палкоўнік Ежы Пілат, падпалкоўнік Дарыюш Паўляк, палкоўнік Дарыюш Мацэнг.

"Усе яны займалі ключавыя пазіцыі ў ВПС і былі кіраўнікамі вайсковых баз у розных рэгіёнах Польшчы", – сказаў камандуючы.

Пасажыры самалёта ўдзельнічалі ў штогадовай канферэнцыі па бяспецы палётаў.

Камандаванне ВПС Польшчы прыняло рашэнне часова прыпыніць выкарыстанне ўсіх самалётаў тыпу CASA-295М да высвятлення акалічнасцяў трагедыі.