Тыраж «Советской Белоруссии» ўпаў на 100.000 экзэмпляраў
20- 9.01.2008, 11:53
На сотню тысячаў экзэмпляраў упаў тыраж газэты «Советская Белоруссия». Тыраж суботняга выпуску ад 5 студзеня склаў 404 496 экзэмпляраў.
Такім жа тыражом выйшаў нумар ад 9 студзеня. Тады як тыраж апошніх леташніх нумароў складаў 500 687.
Рэдактар «Советской Белоруссии» ня раз сьцьвярджаў, што тыраж газэты фармуецца натуральным чынам, без абавязковай падпіскі, і што сьпісаньне газэты з кіёскаў «Белсаюздруку» знаходзіцца ў межах нормы.
Зьніжэньне тыражу з новага году можна, аднак, зьвязаць зь неабходнасьцю эканоміі сродкаў. Загадка, чаму такая эканомія рэсурсаў ажыцьцяўляецца на пачатку году значнай палітычнай кампаніі, паведамляе "Наша Ніва".
