Нацбанк зноў падвышае стаўку рэфінансавання

Нацыянальны банк Беларусі з 15 кастрычніка падвышае стаўку рэфінансавання з 10,5% да 10,75% гадавых.

Гэта прадугледжана пастановай упраўлення Нацбанка Беларусі, тэкст якога мае агенцтва "Інтэрфакс-Захад".

Цяперашняе значэнне стаўкі рэфінансавання - 10,5% гадавых - дзейнічае ў Беларусі з 13 верасня.

Нацбанк Беларусі ўжо двойчы сёлета падвышаў стаўку рэфінансавання, кожны раз - на 0,25 адсоткавага пункта.

Афіцыйна ўзровень інфляцыі ў Беларусі ў студзене-жніўні 2008 года склаў 8,2%, рэальна – значна вышэй.

Як паведамлялася раней, Нацбанк Беларусі не выключае падвышэнне стаўкі рэфінансавання да канца 2008 года да 11-14% гадавых.