У Пінску лічыльнікі вады ўсталёўваюць з дапамогай міліцыі
3- 10.10.2008, 15:55
На сёння каля 20% кватэраў жыхароў Пінска не абсталяваныя лічыльнікамі вады. Каб давесці лічбы “агульнай вадамернасці” да 100%, пінскія камунальнікі знайшлі новы спосаб.
Зараз супрацоўнікі ЖЭСаў разам з участковымі міліцыянтамі праводзяць спецыяльныя рэйды па кватэрах, у якіх не ўсталяваныя лічыльнікі. Галоўная мэта візітаў – выяўленне людзей, якія пражываюць без рэгістрацыі.
Гаспадароў такіх кватэраў штрафуюць па мінімуме і разам з тым прапаноўваюць усталяваць лічыльнік вады. Такім чынам аштрафаваныя ўжо 63 уладальнікі кватэраў, адпаведна вырасла і колькасць заявак на лічыльнікі паведамляе "Еўрарадыё".
