Замежныя студэнты беларускага медуніверсітэта бастуюць супраць расізму

Замест заняткаў студэнты сабраліся ў актавай залі ВНУ і запатрабавалі правесці сустрэчу з работнікамі міліцыі.

У Савецкім РАУС Гомеля паведамілі, што замежныя студэнты звярнулі ўвагу ўладаў, у прыватнасці, на напады на іх хуліганаў каля інтэрната, дзе жывуць грамадзяне Індыі.

У траўні адзін са студэнтаў атрымаў нажавыя раненні. Злачынцы затрыманыя і зараз знаходзяцца ў следчым ізалятары.

Праваахоўнікі паабяцалі студэнтам з сённяшняга дня каля інтэрната выставіць міліцэйскі патруль. Паводле інфармацыі БелаПАН, у Гомельскім медуніверсітэце навучаецца каля 300 студэнтаў з Індыі, Няпала, Нігерыі, Шры-Ланкі і іншых краінаў Азіі і Афрыкі.