Мірон падзякаваў за байкот «выбараў»

Чарговы бел-чырвона-белы сьцяг зьявіўся ўчора а 10-й вечара на жылым пяціпавярховым доме па вуліцы Горкага ў Віцебску.

Віцебскі апазыцыянэр Барыс Хамайда сказаў у інтэрв’ю “Радыё Свабода”, што з вартых даверу крыніцаў яму вядомы зьмест цыдулкі, прымацаванай да сьцягу. Паводле словаў актывіста, у ёй напісана:

“Байкот выбарчага фарсу адбыўся па ўсёй Беларусі. Вялікі дзякуй усім, хто ўзяў удзел у гэтай патрыятычнай працы. Жыве Беларусь, жыве вечна! Мірон.”