«Коммерсант» назваў Пуціна прэзідэнтам

Расейскае выданне "Коммерсант", якое славіцца сваёй інфармаванасцю, дапусціла прыкрую памылку друку.

Апісваючы ўчорашні візіт прэм'ер-міністра Пуціна ў Менск, журналіст у адным месцы не ўтрымаўся і назваў Уладзіміра Уладзіміравіча "прэзідэнтам", адзначае інтэрнэт-сайт «Мы».

«...- А з якога боку бацька і Пуцін у гэтае памяшканне ўваходзяць? - спытаў іх хтосьці з журналістаў.

- Госць адтуль, а гаспадар - вунь адсюль, - паказаў адзін з гэтых людзей.

Прычым слова "гаспадар" ён вымавіў, па-мойму, з вялікай літары і казаў зараз ужо гучна і ўпэўнена.

Зрэшты, Уладзімір Пуцін і Аляксандр Лукашэнка ўвайшлі разам, і прэзідэнт Беларусі трымаў прэзідэнта Расеі за руку...», -- напісаў у сваім рэпартажы з Менску карэспандэнт «Коммерсанта» Андрэй Калеснікаў.