Інфляцыя ў Зімбабвэ дасягнула 231 000 000 %
1- 9.10.2008, 15:05
Інфляцыя ў Зімбабвэ дасягнула новага рэкорду, павялічыўшыся да 231 мільёна адсоткаў у год, паведамляе BBC News са спасылкай на афіцыйныя звесткі ўрада краіны.
Папярэдняе значэнне індэкса спажывецкіх коштаў у краіне складала 11,2 мільёны адсоткаў.
Рост тэмпаў інфляцыі ў Зімбабвэ адбыўся з-за росту коштаў на хлеб і збожжавыя. Па ацэнках ААН, харчовай дапамогі патрабуюць два мільёны зімбабвійцаў.
У жніўні Зімбабвэ правяло дэнамінацыю, падчас якой з купюры зімбабвійскага даляра было прыбрана 10 нулёў. Інфляцыя працягвала расці і кіраўніцтва краіны было вымушанае дазволіць хаджэнне даляраў ЗША і еўра. Гэта было звязана з тым, што ў Зімбабвэ стала сканчацца папера для друкавання грошай.