Піцерскім «мяшкам» у Менску дазволена ўсё? (Відэа)

Пасля матчу «Зеніт»-БАТЭ у Менску фанаты расейскай каманды правялі ў Менску шэсце з запаленымі паходнямі. Відэа гэтай акцыі з'явілася на расейскіх спартыўных сайтах.

Сотні фанатаў піцерскага «Зеніту» прайшлі па вуліцы Кірава ў Менску са сцягамі сваёй каманды і запаленымі паходнямі. Паказальна, што супрацоўнікі менскай міліцыі і АМАПа, якія разганяюць любыя мірныя акцыі апазіцыі, гэтым разам не ўмешваліся, хаця правядзенне падобнага шэсця ў цэнтры горада, ды яшчэ і з агнём, з'яўляецца прамым парушэннем закона і правілаў бяспекі.