Дзень салідарнасьці ў Кобрыне: Малітва за зьніклых палітыткаў (Фота)
- 17.11.2008, 9:34
Больш за 10 актывістаў «Маладога Фронту» прынялі ўдзел у акцыі салідарнасьці ў Кобрыне. Моладзь сабралася ў цэнтры горада на плошчы Свабоды і накіравалася да бліжайшай царквы.
Каля месца збору знаходзіўся аўтамабіль ДАІ, які пасля пачатку руху застаўся на месцы.
Моладзь у царкве памалілася за бясьследна зьніклых палітыкаў і накіравалася ў гарадзкі парк, дзе і завяршылася акцыя. Праз паўгадзіны пасля сканчэньня міліцыянты прыбралі фота зьніклых людзей і заставілі толькі лямпадкі.
