У кастрычніку агуркі і памідоры падаражэлі на 35 %

Кошты на харчовыя тавары ў кастрычніку ў параўнанні з вераснем значна выраслі.

Аб гэтым паведамляе сайт agronews.ru са спасылкай на міністэрства статыстыкі і аналізу Беларусі.

Кошты на сала ў перыядзе, які разглядаецца, павялічыліся на 12,7%, свініну, маргарын - на 4,2%, муку пшанічную - на 3%, каўбасныя вырабы і вэнджаніну - на 2,7%, ялавічыну першай катэгорыі, хлеб і хлебабулачныя вырабы, крупы і бабовыя - на 2-2,1%, сыры, малако і малочныя прадукты - на 2,3-2,4%, масла жывёльнае, яйкі, мяса птушкі, кандытарскія вырабы - на 1,5-1,8%, макаронныя вырабы, кансервы мясныя, кансервы агароднінныя, безалкагольныя напоі - на 1,1-1,2%.

Капуста свежая падаражэла на 10%, памідоры - на 35,2%, агуркі - на 34,7%, перац салодкі - на 11,1%, вінаград - на 2,7%.