Колькасць насельніцтва Беларусі на 1 лістапада склала 9 мільёнаў 674,9 тысяч чалавек

Колькасць насельніцтва Беларусі на 1 лістапада цяперашняга года склала 9 млн. 674,9 тыс. чалавек.

Як паведаміла карэспандэнту БелТА прэс-сакратар Нацыянальнага статыстычнага камітэта Алена Кандраценка, у параўнанні з 1 лістапада мінулага года жыхароў краіны стала менш на 19 тыс. чалавек.

За мінулы год колькасць насельніцтва павялічылася толькі ў Менску - з 1 млн. 809,4 тыс. чалавек да 1 млн. 823,9 тыс. У астатніх рэгіёнах рэспублікі адзначанае памяншэнне колькасці жыхароў. У выніку на 1 лістапада бягучага года ў Гомельскай вобласці налічалася 1 млн. 465,2 тыс. жыхароў, у Менскай - 1 млн. 456,5 тыс., у Брэсцкай - 1 млн. 434,4 тыс., у Віцебскай - 1 млн. 266,5 тыс., у Магілёўскай - 1 млн. 124,7 тыс., у Гарадзенскай - 1 млн. 103,7 тыс.

За студзень-кастрычнік цяперашняга года ў Беларусі нарадзіліся 90,6 тыс. дзяцей - на 3,8 тыс. больш у параўнанні з аналагічным перыядам мінулага года. Памерлі за дзесяць месяцаў 111,5 тыс. чалавек - на 0,4 тыс. больш.

Агульны каэфіцыент нараджальнасці ўраўноўваўся ў студзені-кастрычніку цяперашняга года 11,2 на 1000 жыхароў, агульны каэфіцыент смяротнасці - 13,8 на 1000 насельніцтва. Для параўнання: у студзені-кастрычніку мінулага года гэтыя паказчыкі ўраўноўваліся адпаведна 10,8 і 13,8. Што датычыцца дзіцячай смяротнасці, то гэты паказчык знізіўся з 5,5 выпадку на 1000 народжаных да 4,5. Натуральнае змяншэнне насельніцтва склала за дзесяць месяцаў 2,6 на 1000 насельніцтва супраць 3,0 за аналагічны леташні перыяд.

За студзень-кастрычнік 2008 года ў рэспубліку прыбылі 13 тыс. 686 чалавек, выбылі 7 тыс. 750. Міграцыйны прырост склаў 5 тыс. 936 чалавек.