Калякін панясе кветкі да помніка Леніну
20- 6.11.2008, 11:03
Актывісты Партыі камуністаў Беларускай маюць намер 7 лістапада ўскласці кветкі да помніка Леніну ў Менску.
Як паведаміў прэс-сакратар ПКБ Сяргей Вазняк, сябры партыі традыцыйна ў гэты дзень ускладаюць кветкі да помніка Леніну на плошчы Незалежнасці. "Ніякіх заявак на правядзенне акцыі мы не падаем, паколькі ўскладанне кветак не з'яўляецца масавай акцыяй. Проста людзі прыходзяць з кветкамі да помніка і ўскладаюць іх", — сказаў С.Вазняк.
Прадстаўнік ПКБ адзначыў, што 75 гадоў таму, 7 лістапада 1933 года, адбылося адкрыццё помніка Леніну працы скульптара і мастака Матвея Манізэра.
Лідэрам Партыі камуністаў Беларускай, нагадаем, з'яўляецца Сяргей Калякін.
