БСДП (Грамада) прапанавала ўладам супрацоўніцтва

Кіраўнік Віцебскага аддзялення Беларускай сацыял-дэмакратычнай партыі (Грамада) Анатоль Гнеўка звярнуўся да старшыні Віцебскага абласнога савета дэпутатаў з прапановай аб супрацоўніцтве.

А. Гнеўка прапанаваў дапамогу партыі ў падрыхтоўцы пытанняў, якія выносяцца для разгляду на сесіі аблсавета, у яго Прэзідыўме і ў пастаянных камісіях. Па меркаванні абласнога лідэра сацыял-дэмакратаў, такая магчымасць прадугледжаная як заканадаўствам, так і Статутам і Праграмай БСДП. А.Гнеўка разлічвае, што патэнцыял сацыял-дэмакратаў Віцебшчыны дазволіць палепшыць працу мясцовых органаў улады па абароне інтэрасаў жыхароў вобласці, перадае «Еўрарадыё».