У шпіталях і паліклініках будзе больш платных паслугаў
25- 23.12.2008, 16:38
У дзяржаўных установах аховы здароўя Беларусі плануецца павялічыць колькасць платных паслугаў, заявіў міністр аховы здароўя Васіль Жарко.
Аб гэтым ён паведаміў 23 снежня на прэс-канферэнцыі ў Менску, піша БелаПАН.
Паводле яго словаў, у цяперашні момант гэтае пытанне разглядаецца ў міністэрстве, адпаведная прапанова ў Саўмін яшчэ не ўносілася.
«Мы думаем над гэтым, таму што платныя медыцынскія паслугі — гэта таксама прырабатак лекавых установаў для ўмацавання матэрыяльна-тэхнічнай базы і для стымулявання аплаты працы нашых медыцынскіх працаўнікоў», — сказаў В.Жарко.
Паводле яго словаў, пры пашырэнні пераліку платных паслугаў інтэрасы грамадзянаў ушчамляцца не будуць.
«Тое, што закладзенае ў сацыяльныя стандарты, павінна выконвацца», — адзначыў міністр.
