«Беларусь страціла выбітнага дэмакрата і чалавека»

Свае спачуваньні з нагоды сьмерці Ірыны Казулінай выказаў Нацыянальны фонд падтрымкі дэмакратыі (Вашынгтон, ЗША).

У лісьце на адрас сям'і Казуліных, які падпісаў прэзыдэнт фонду Карл Гешман, сярод іншага гаворыцца:

“Калі Аляксандар Казулін атакаваў рэжым сваімі харызматычнымі прамовамі і пратэстамі, Ірына размаўляла ціхім голасам і заваёўвала сэрцы іншых праз сваю годнасьць і дабрыню. У дадатак да сваёй палітычнай працы, яна была моцным голасам па праблемах беларускіх жанчын. У 2001 годзе, яна заснавала “У промнях надзеі”, грамадзкае аб’яднаньне для жанчын, хворых на рак малочнай залозы. Нацыянальны фонд падтрымкі дэмакратыі выказвае сардэчныя спачуваньні сп. Казуліну, а таксама дачкам – Вользе і Юліі. Беларусь страціла выбітнага дэмакрата і чалавека”, цытуе ліст “Радыё Свабода”.