Менчукоў стала 1 мільён 814 тысяч
5- 4.02.2008, 10:48
У 2007 годзе колькасць насельніцтва Менска павялічылася ў параўнанні з папярэднім годам на 17,2 тысячы чалавек і дасягнула 1 мільёна 814 тысяч. Пры гэтым міграцыйны прырост склаў 14,9 тысячы, а натуральны – 2,3, распавяла агенцтву «Минск – Новости» начальніца Менскага гарадскога ўпраўлення статыстыкі Ірына Кангра.
Самыя населеныя раёны сталіцы – Фрунзенскі (353,8 тысячы чалавек) і Маскоўскі (261,9 тысячы). А самыя малалікія – Цэнтральны і Партызанскі раёны, дзе, адпаведна, пражывае 112,2 і 99,3 тысячы чалавек.
