Мікіта Шуцянкоў: «Амапаўцы вырвалі ў мяне з рук еўрапейскі сцяг і парвалі яго»
5- 26.03.2008, 15:30
«Нас затрымалі на праспекце Незалежнасці ля рэдакцыі «Вечернего Минска». Амапаўцы ўзялі нас у кола і з усіх бакоў пачалі ціснуць. У мяне вырвалі еўрапейскі сцяг і парвалі яго. Потым зрабілі «калідор» і, штурхаючы і збіваючы нас дубінкамі па нагах і галовах, прапусцілі праз яго» , – распавядае прэс-цэнтру Хартыі’97 актывіст грамадзянскай кампаніі “Еўрапейская Беларусь” Мікіта Шуцянкоў.
Па словах Шуцянкова, потым затрыманых пагрузілі ў аўтобус і прывезлі ў Савецкі РУУС. У аўтобусе сядзелі супрацоўнікі ўнутраных войскаў. У РАУС затрыманыя сядзелі да 4 раніцы. Іх прымусілі зняць рамяні і шнуркі. Потым усіх адвезлі ў спецпрыёмнік-размеркавальнік на Акрэсціна.
Сёння ў судзе Партызанскага суду Шуцянкова прысудзілі да штрафу ў памеры 30 базавых велічынь.
