Дакладчык ПАРЕ плануе візіт у Менск
- 18.04.2008, 9:14
Як паведаміў 17 красавіка на прэс-канферэнцыі ў Менску старшыня "палаты прадстаўнікоў" Вадзім Папоў, неўзабаве можа адбыцца візіт у Менск дакладчыка ПАРЕ па Беларусі Андрэа Рыгоні.
Па словах спікера, пытанні, звязаныя з візітам, ён абмяркоўваў падчас сустрэчы з кіраўніком падкамітэту па Беларусі камісіі па палітычных пытаннях ПАРЕ Сінікай Хурскайнэн у Кейптаўне (ПАР), дзе 13-15 красавіка беларуская парламенцкая дэлегацыя ўдзельнічала ў паседжаннях 118-й Асамблеі Міжпарламенцкага звязу, піша БелаПАН
В.Папоў таксама адзначыў, што візіт А.Рыгоні ў Беларусь можа адбыцца ўжо ў чэрвені.
Дакладчык наведваў Беларусь у кастрычніку 2007 году.
