«Паслабленне» пенсіянерам напярэдадні выбараў
8- 21.04.2008, 18:21
Аляксандр Лукашэнка падпісаў указ, які прадугледжвае атрыманне пенсіянерам 50-адсоткавай зніжкі на праезд у прыгарадным транспарце на перыяд сезонных сельскагаспадарчых работ.
"На перыяд сезонных сельскагаспадарчых работ з 1 мая па 1 кастрычніка 2008 года пенсіянерам даецца права на 50-адсоткавую зніжку з кошту праезду на чыгуначным, водным і аўтамабільным пасажырскім транспарце агульнага карыстання рэгулярнай прыгараднай сувязі (акрамя таксі)", - паведамілі "Інтэрфаксу" ў прэс-службе кіраўніка краіны.
Пры гэтым, удакладнілі ў прэс-службе, не ўводзіцца які-небудзь асаблівы механізм набыцця праязных квіткоў: іх можна будзе набыць указаным грамадзянам у агульнаўсталяваных месцах продажу праязных дакументаў пры паказе пенсіённых пасведчанняў.
Указ уступае ў моц з дня яго афіцыйнага апублікавання - з 22 красавіка 2008 года, праінфармавалі ў прэс-службе прэзідэнта.
Многія лічаць, што ўлады далі "паслабленне" пенсіянерам у сувязі з будучымі выбарамі ў "палату прадстаўнікоў".
