Пад Пецярбургам ірвуцца ракеты «паветра-паветра »

У Ленінградскай вобласці блізу горада Ладэйнае поле ўспыхнуў пажар на складзе ваеннага аэрадрома.

Аб гэтым паведаміла РИА "Новости" крыніца ў сілавых структурах гэтага рэгіёна Расеі.

Па дадзеных крыніцы, цяпер на складзе ірвуцца ракеты "паветра-паветра". Асколкі разлятаюцца на 3-4 кіламетры. Цяпер праводзіцца эвакуацыя блізразмешчанага ваеннага мястэчка. На месца здарэння выехалі камандуючыя ЛенВА і шостага войска СПА.

Вакол падпаленага склада выстаўленае ачапленне ў радыусе 3-4 кіламетраў.

Памочнік галаўкама ВПС РФ палкоўнік Аляксандр Драбышэўскі пацвердзіў інфармацыю аб пажары. "Пажар на складзе ўзнік у 14:47 мск. У 15:58 падрывы боепрыпасаў спыніліся. Пацярпелых няма", - сказаў афіцыйны прадстаўнік ВПС. Па ягоных словах, "эвакуацыі асабістага складу і грамадзянскага насельніцтва авіягарнізона не праводзілася".

Склад размешчаны побач з ваенным аэрадромам 6-й арміі СПА у Ладэйна-Польскім раёне вобласці. "Пажару прысвоены падвышаны 2-гі нумар складанасці. Да месца сцягваецца вялікая колькасць сіл і сродкаў для тушэння", - сказалі ў МНС.

Па непацверджанай інфармацыі, рыхтуецца эвакуацыя жыхароў вёсак, якія размяшчаюцца побач з аэрадромам, ва ўсялякім разе, будзе эвакуяваные бліжэйшае ваеннае мястэчка. Зрэшты, вайскоўцы гэтую інфармацыю пакуль не пацвярджаюць.

Паміж тым крыніца ў адміністрацыі Ленінградскай вобласці паведаміла, што дадзены аэрадром знаходзіцца на ўскраіне горада, там раскватараваная частка знішчальнікаў СУ-27. "Да тушэння падлучаныя не толькі вайскоўцы, але і грамадзянскія пажарныя Ладэйнага поля", - дадаў ён.

"У цяперашні час неабходнасці для эвакуацыі насельніцтва няма, але калі гараць гаруча-змазачныя матэрыялы на падобным аб'екце, з бліжэйшых хатаў па адпрацаванай схеме вывозіцца тэхніка: трактары і аўтамабілі", - сказаў крыніцу.

Як паведамілі ў штабе 6-ай арміі СПА, у вядзенні якой знаходзіцца аэрадром, на месца выехаў камандуючы войскам Уладзімір Свірыдаў. Усе каментары па развіцці сітуацыі ўпаўнаважаны даваць толькі ён.

Горад Ладэйнае Поле з насельніцтвам больш за 20 тысяч жыхароў знаходзіцца ў 7-мі кіламетрах ад падпаленага склада.