28 сакавiка 2024, Чацвер, 20:17
Падтрымайце
сайт
Сім сім,
Хартыя 97!
Рубрыкі

Абскарджаны прысуд адносна палітзняволенага Парсюкевіча

На імя старшыні Менскага гарадскога суду пададзеная скарга на прысуд, вынесены судом Маскоўскага раёна сталіцы віцебскаму прадпрымальніку Сяргею Парсюкевічу.

Скарга пададзеная ў парадку нагляду 13 чэрвеня. "Як толькі я атрымаю адказ ад старшыні гарадскога суду, маю намер пісаць скаргу ў Вярхоўны суд Беларусі", — паведаміла БелаПАН адвакат Вера Страмкоўская.

Нагадаем, 12 чэрвеня адвакат наведала свайго падабароннага, які адбывае пакаранне ў выпраўленчай калоніі № 17 Шклова (Магілёўская вобласць). Па словах В.Страмкоўскай, С.Парсюкевіч жаліўся на ўмовы ўтрымання ў выпраўленчай калоніі. "Тое, што ён апісваў, жудасна. Напрыклад, ён спіць у пакоі, дзе знаходзяцца 70 чалавек. На ўсіх усяго восем крэслаў і чатыры крамы. У лазню іх водзяць адзін раз на тыдзень, там ўсяго чатыры крана, людзі змушаныя стаяць у чарзе за вадой, не паспяваючы памыцца. На прыём ежы вылучаецца ўсяго 15 хвілін, і людзі не паспяваюць паесці, паколькі ежа гарачая. Суп, каша і кісель — усё з аднаго посуду, людзі ядуць, абпальваючыся", — сказала адвакат.

Нягледзячы на ўсе гэтыя праблемы, адзначыла В.Страмкоўская, С.Парсюкевіч "не паў духам і працягвае спадзявацца на тое, што прысуд яму будзе адменены". Па ейных словах, прадпрымальнік прасіў перадаць падзяку ўсім тым, хто піша яму лісты ў калонію і такім чынам аказвае маральную падтрымку.

Нагадаем, адзін з лідэраў прадпрымальніцкага руху палітвязень Сяргей Парсюкевіч быў асуджаны 23 красавіка на два з паловай гады пазбаўлення волі за ўдзел у акцыі пратэсту прадпрымальнікаў, якая прайшла ў Менску 10 студзеня. Калі ён адбываў адміністрацыйны арышт у сталічным цэнтры ізаляцыі правапарушальнікаў, тамака яго жорстка збіў супрацоўнік цэнтра Аляксандр Дулуб, але, каб пазбегнуць пакарання за перавышэнне паўнамоцтваў, сам абвінаваціў Парсюкевіча, што той яго збіў.

Вызвалення Сяргея Парсюкевіча, як і іншых палітвязняў экс-кандыдата ў прэзідэнты Аляксандра Казуліна і моладзевага актывіста Андрэя Кіма, патрабуюць Еўразвяз і ЗША.

Напісаць каментар

Таксама сачыце за акаўнтамі Charter97.org у сацыяльных сетках