Падаражэла гарэлка
17- 11.07.2008, 17:01
З 11 ліпеня ў Беларусі падвышаныя рознічыня кошты на гарэлку.
"У адпаведнасці з пастановай міністэрства эканомікі N139 з 11 ліпеня 2008 года падвышаюцца рознічныя кошты на гарэлку на 4% і адпускныя кошты на спірт этылавы харчовы на 10%", - паведамілі агенцтву "Інтэрфакс-Захад" у прэс-службе міністэрства эканомікі.
Па дадзеных Мінэканомікі, рознічны кошт на гарэлку "Крышталь Класічная", "Кляновая", "Белая Русь срэбная" складзе Br6,17 тыс. за бутэльку 0,5 літра без кошту посуду.
Як растлумачылі ў прэс-службе, рашэнне аб павелічэнні рознічных коштаў на гарэлку прынятае па прапанове канцэрнаў "Белдзяржхарчпрам" і "Белбіяфарм" для кампенсацыі росту акцыза і падаражэння кошту збожжа.
