«Барселона» заплаціць за Глеба 22,5 мільёны еўра
4- 14.07.2008, 13:40
Сёння павінен завяршыцца пераход Аляксандра Глеба ў іспанскую «Барселону». У другой палове дня беларускі футбаліст павінен паставіць свой подпіс пад кантрактам з каталонскім клубам.
Па інфармацыі Life.Ru, лонданскі "Арсенал" пагадзіўся прадаць беларускага хаўбэка за 22,5 мільёны еўра. Нагадаем, што ў свой час "кананіры" набылі гульца ў нямецкага "Штутгарта" за пятнаццаць мільёнаў. Акрамя абумоўленых грошай ангельцы атрымаюць яшчэ каля чатырох мільёнаў, калі Глеб згуляе больш паловы матчаў за сваю новую каманду і калі пры ім "Барселона" даможацца перамогаў у якіх-небудзь турнірах.
Кантракт футбаліста з каталонскім клубам разлічаны на чатыры гады, за якія Глеб атрымае ў агульнай складанасці каля чатырнаццаці мільёнаў еўра.
