Абрабавалі газету «Прессбол»
- 29.07.2008, 12:14
У Менску абрабаваная рэдакцыя папулярнай спартыўнай газеты «Прессбол». Скрадзена маёмасць на суму больш за 1000 долараў ЗША.
«Невядомы правёў рэвізію ў нашай рэдакцыі, па выніках якой прэсболаўскі фотакор застаўся без оптыкі, — паведамілі прэс-службе БАЖ у рэдакцыі «Прессбола». — Скралі тры аб’ектывы на суму прыкладна 1300 долараў ЗША. Натуральна, што пасля гэтага мы выклікалі міліцыю, заведзена крымінальная справа. Праўда, ці знойдуць оптыку і таго, хто яе скраў — гэта ўжо іншае пытанне».
