Буш можа ўнесці беларускі рэжым у яшчэ адзін «чорны спіс»
2- 23.09.2008, 8:48
Інстытут рэлігіі і грамадскай палітыкі ЗША рэкамендаваў прэзідэнту Джорджу Бушу ўнесці Беларусь у спіс краін, дзе парушэнне свабоды рэлігіі выклікае "асаблівыя турботы".
У прапанаваны пералік краін, "што ўдзельнічаюць ці трывала ставяцца да асабліва жорсткіх парушэнняў рэлігійнай свабоды", уключаныя таксама Афганістан, Індыя, Інданэзія, Косава, Мальдзівы, Расея, Туркменістан і В’етнам. Акрамя гэтага, Інстытут рэлігіі і грамадскай палітыкі прапаноўвае прэзідэнту пакінуць у спісе краіны, якія былі ўнесеныя туды ў 2006 годзе: Іран, Кітай, М’янму, Саўдаўскую Аравію, Паўночную Карэю, Судан, Узбекістан і Эрытрэю.
Штогадовую справаздачу аб свабодзе рэлігіі ў 200 краінах света Дзярждэпартамент ЗША выпусціць у канцы года.
