План-2010: Працуем на склад
10- 15.10.2009, 14:38
Урад Беларусі захавае ў 2010 годзе практыку давядзення заданняў па аб’ёмах прамвытворчасці да канкрэтных прадпрыемстваў.
Пра гэта «Інтэрфаксу» заявіла намеснік міністра эканомікі Беларусі Таццяна Старчэнка.
«Будуць заданні», - сказала Т.Старчэнка.
Як паведамлялася раней, Мінэканомікі ўнесла ва ўрад двухварыянтны праект прагноза-2010. Паводле базавага сцэнара прырост ВУП у наступным годзе чакаецца на ўзроўні 2-3%, паводле аптымістычнага – 11-12%.
Раней таксама паведамлялася, што Міжнародны валютны фонд, пры фінансавай падтрымцы якога Беларусь рэалізуе праграму рэформаў, раіць уладам скасаваць давядзенне да прадпрыемстваў канкрэтных заданняў па аб’ёмах вытворчасці з улікам неабходнасці папярэджвання далейшага роста складскіх запасаў і скарачэння імпарту.
