У менскіх шпіталях з-за грыпу адмянілі ўсе планавыя аперацыі?
7- 3.11.2009, 11:53
Пра гэта паведамляе газета «Наша Ніва» са спасылкай на крыніцу ў адным са шпіталёў беларускай сталіцы.
Па словах крыніцы «Нашай Нівы», у шэрагу менскіх шпіталёў адмененыя ўсе планавыя аперацыі, а ўсе анэстэзіёлагі занятыя лячэннем і выратаваннем хворых на грып, ВРВІ і выкліканыя імі ўскладненні.
Як паведаміла 3 лістапада Міністэрства аховы здароўя, за апошні тыдзень у Беларусі афіцыйна зафіксавана 70 тысячаў выпадкаў захворвання на грып і ВРВІ. Усяго за кастрычнік - 322 тысячы выпадкаў вострых рэспіраторных інфекцыяў. Гэта на 41% больш, чым за аналагічны перыяд мінулага года.
