16 снежня 2018, Нядзеля, 7:58
Дзякую вам
Рубрыкі

Маладыя апазіцыянеры затрыманыя за кіданне яек у партрэт чалавека з вусамі

13

Супрацоўнікі міліцыі Завадскога раёна Менска затрымалі чатырох апазіцыянераў, якія праводзілі перфоманс каля ўнівермага «Беларусь».

Як паведамляе «Радыё Свабода», былі затрыманыя актывісты «Маладой Беларусі» Андрэй Кузьмінскі, Павал Пракаповіч, Наста Машчава і Ягор Баброў.

Каля ўнівермага «Беларусь» маладыя людзі ўсталявалі стэнд з намаляваным на ім чалавекам з вусамі. Пад карыкатурай было напісана: «Не любіш рэжым – кінь у мяне». Побач са стэндам моладзевыя актывісты паставілі скрыню з яйкамі. Знайшліся жадаючыя і некалькі яек паляцелі ў стэнд.

Лідэр «Маладой Беларусі» Артур Фінькевіч паведаміў, што актывістаў трымаюць у пастарунку міліцыі. Сувязь з імі адсутнічае.