Беларусь адмовілася ад транзіту ўкраінскай электраэнергіі ў Літву
2- 19.02.2009, 9:47
Спробы Ўкраіны наладзіць экспарт электраэнергіі ў Літву пакуль застаюцца беспаспяховымі.
«Прычына? Нежаданне Беларусі забяспечыць яе транзіт», - сказаў першы намеснік міністра паліва і энергетыкі Ўкраіны Алег Бугаеў журналістам, піша сайт Runet.lt.
Па словах Алега Бугаева, падчас нядаўніх трохбаковых перамоваў літоўскі бок паведаміў аб гатовасці імпартаваць электраэнергію з 2010 года, а на днях беларускі бок апавясціў ўкраінскай аб здольнасці самастойна забяспечыць пастаўкі электраэнергію ў Літву і гатовасці купляць украінскую электраэнергію.
А.Бугаеў адзначыў, што Мінпалэнерга Ўкраіны працягне перамовы, каб дамагчыся транзіту хоць бы 20 МВт электраэнергіі ў Літву.
Каментуючы канфліктную сітуацыю з экспартам украінскай электраэнергіі ў Малдову, ён паведаміў аб з'яўленні зацікаўленасці ў ейнай куплі з боку прыватных энергасетак, якія належаць іспанскай Union Fenosa.
Як ужо паведамлялася, у канцы мінулага тыдня кіраўнік МЗС Украіны заявіў, што Ўкраіна, Беларусь, і Літва дамовіліся аб транзіце ўкраінскай электраэнергіі на тэрыторыю апошняй.
Перамовы аб транзіце электраэнергіі ідуць яшчэ з лютага 2008 года. Праблема імпарту электраэнергіі для Літвы можа паўстаць ужо ў будучым годзе - адразу пасля закрыцця ў канцы 2009 года Ігналінскай АЭС. Пакуль рэальным пастаўшчыком для Літвы з'яўляецца толькі Расея, гэта прымушае Вільнюс шукаць альтэрнатыўныя шляхі паставак.
Кіраўнікі МЗС Літвы, Беларусі і Ўкраіны на мінулым тыдні дамовіліся аб транзіце ўкраінскай электраэнергіі ў Літву, паведамілі на выніковай прэс-канферэнцыі.
«Сёння пачалі перамовы і далі палітычны імпульс экспертам дамовіцца да мая», - заявіў літоўскі міністр Вігаўдас Ушацкас.
Міністр замежных спраў Украіны Ў. Агрызка праінфармаваў аб гатовасці ўкраінскага боку пастаўляць электраэнергію ў Літву праз тэрыторыю Беларусі. Ён адзначыў, што рэалізацыя паказанага праекту ўжо знайшла падтрымку прэзідэнтаў трох краін і прадугледжаная Дарожнай картай развіцця стратэгічнага партнёрства паміж Украінай і Літоўскай Рэспублікай на 2009-2010 гг. Менавіта з гэтай мэтай у Вільнюсе былі праведзеныя кансультацыі экспертаў трох краін, падчас якіх абмяркоўваліся тэхнічныя і тэхналагічныя аспекты рэалізацыі гэтага ўзаемавыгаднага трохбаковага праекту.
