Міністры сельскай гаспадаркі і аховы здароўя выехалі ў Маскву

Міністр сельскай гаспадаркі і харчавання Беларусі Сямён Шапіра і міністр аховы здароўя Васіль Жарко прыбылі ў Маскву для разрашэння малочнай праблемы.

Аб гэтым БелТА паведаміла дыпламатычная крыніца.

З кім беларуская дэлегацыя будзе праводзіць перамовы яна не ўдакладніла.

Нагадаем, што ўчора кіраўнік Расспажыўнагляда Генадзь Анішчанка адмовіўся прыняць беларускую дэлегацыю на чале з намміністра сельскай гаспадаркі і харчачання Міхаілам Савельевым. Было прынятае рашэнне аб вяртанні дэлегацыі.

«Анішчанка ўсумніўся ў паўнаважнасці беларускай дэлегацыі», - паведаміла Сталічнае тэлебачанне Беларусі.

Па інфармацыі тэлеканала, дэлегацыя «чакала сустрэчы да позняга вечара». У складзе дэлегацыі прысутнічалі прадстаўнікі Мінсельгаспрада Беларусі на чале з намміністра Міхаілам Савельевым, галоўны санітарны ўрач міністэрства аховы здароўя Беларусі Валянціна Качан, прадстаўнікі Дзяржстандарту, вытворцы малочнай прадукцыі.

Па словах Савельева, сустрэча з галоўным санітарным урачом Анішчанкам павінная была адбыцца ў першай палове дня. Аднак да абеду з беларускай дэлегацыяй ніхто не хацеў размаўляць. Тады, сабраўшы дакументы, перагаворшчыкі рушылі да будынка Расспажыўнагляда.

Аднак унутр будынку іх не пусцілі. Па словах Міхаіла Савельева, усе дакументы беларускім бокам былі падрыхтаваныя. Таму, як распавялі ў эфіры вячэрняй «Панарамы» на першым нацыянальным канале, Савельеў пакінуў дакументы на ганку Расспажыўнагляда.