Дырэктарам прадпрыемстваў дазволілі рызыкаваць без пагрозы турмы

Дырэктары заводаў павінныя быць абароненыя ў выпадку апраўданай рызыкі пры прыняцці кіраўнічых рашэнняў.

Такую прапанову ініцыявалі Канфедэрацыя прамыслоўцаў і прадпрымальнікаў (наймальнікаў). Яе падтрымалі дзяржорганы, паведаміў старшыня канфедэрацыі Анатоль Харлап.

«У выніку канструктыўнай працы з Генеральнай пракуратурай, Вышэйшым гаспадарчым судом мы практычна вырашылі адну з праблем, што хвалюе дырэктарскі корпус, прамыслоўцаў і прадпрымальнікаў краіны», - цытуе прамыслоўца «Тэлеграф».

Гэтая праблема крымінальнай адказнасці службовых асоб, суб'ектаў прадпрымальніцкай дзейнасці за наступствы, звязаныя з апраўданымі вытворча-гаспадарчымі рызыкамі, пры прыняцці кіраўнічых рашэнняў, пры любой выпушчанай выгадзе «або нейкіх, нават малаважных, стратах на прадпрыемстве», - растлумачыў Анатоль Харлап.

Пры падтрымцы ўрада Генпракуратура падрыхтавала адпаведныя прапановы па занясенні змен у Крымінальны кодэкс.

«Прадугледжваецца пакаранне толькі за наўмысныя дзеянні з карыслівай або іншай асабістай зацікаўленасці, але ні ў якім разе не за апраўданыя рызыкі пры прыняцці кіраўнічых рашэнняў»,- адзначыў Анатоль Харлап.

У цяперашні час законапраект рыхтуецца да занясення ў парламент і будзе разгледжаны ім на восеньскай сесіі.