Памерла журналістка Марына Бабкіна
27- 4.10.2010, 17:20
Вядомая беларуская журналістка Марына Бабкіна памерла ва ўзросце 50 гадоў.
«Марына Бабкіна працавала на Беларускім тэлебачанні, затым, пасля прыходу да ўлады Лукашэнкі, на агенцтва «Асашыэйтэд Прэс». Яна ўвасабляла беларускую журналістыку 1990-х гадоў. Усе яе памятаюць на вулічных акцыях апазіцыі. Марына была яркай, прыгожай жанчынай, яна была адной з нямногіх, хто хутка і аператыўна мог перадаць інфармацыю пра падзеі ў Беларусі сусветным агенцтвам. Прафесійная, з пачуццём гумару, яна перажывала за ўсіх нас.
Марына Бабкіна - знакавая фігура. У яе быў велізарны патэнцыял, які яна не магла ў апошнія гады рэалізаваць. Марына страціла аднаго за другім бацькоў, выхоўвала адна сына, засталася без працы. Гэта страшная трагедыя. Як прафесіянал і чалавек Марына магла зрабіць вельмі шмат», - сказала ў інтэрв'ю сайту charter97.org журналістка «Народнай волі» Любоў Лунёва.
