Курс еўра перавысіў адзнаку Br4150

Курс еўра павялічыўся на 31 рубель і склаў 4152 рубля.

Па выніках таргоў 6 кастрычніка на Беларускай валютна-фондавай біржы курс даляра ЗША знізіўся на 10 рублёў і склаў 2995 рублёў.

Курс расейскага рубля павялічыўся на 1,46 рубля і склаў 100,19 беларускіх рублёў за адзін расейскі. Курс еўра павялічыўся на 31 рубель і склаў 4152 рубля, абнавіўшы максімум бягучага года, паведамляе АФН.

У адносінах да валютнага кошыка беларускі рубель знізіўся на 0,63% у параўнанні з папярэднім значэннем: сёння кошт кошыка склаў 1076,11 рубля.

З пачатку года курс беларускага рубля да валютнага кошыка знізіўся на 3,84%, да даляра – на 4,61%, да расейскага рубля - на 5,84%, да еўра – на 1,14%.

На 2010 год калідор ваганняў курсу беларускага рубля ў адносінах да кошыка валютаў усталяваны ў межах плюс/мінус 10%.