Салей аддаў галявы пас у пераможным матчы з «Сэнт-Луісам»

Капітан зборнай Беларусі Руслан Салей, што выступае ў чэмпіянаце НХЛ за «Дэтройт», мінулай ноччу зарабіў асістэнцкі бал.

«Дэтройт» - «Сэнт-Луіс» - 7:3 (1:1, 2:2, 4:0). Шайбы: 1:0 - Д. Мілер (Абдэлькадар, Крунваль, 8.05), 1:1 - Бойес (Э.Макдональд, Бэйкс, 9.37), 1:2 - Вінчэстар (Э. Макдональд, Берглунд, 28.16, у большасці), 2:2 - Абдэлькадар (Рафальскі, Д. Мілер, 33.42), 3:2 - Кліры (Рафальскі, 36.30), 3:3 - Э. Макдональд (Бойес, 37.07), 4:3 - Кліры (Мадана, Салей, 52.26), 5:3 - Сэтэрберг (53.12), 6:3 - Б. Сцюарт (Крунваль, Дацюк, 54.30, у большасці), 7:3 - Холмстрэм (Рафальскі, Дацюк, 55.40, у большасці). Кідкі: 31-36 (8-11, 9-13, 14-12). Штраф: 8-12, паведамляе БелТА.

Руслан Салей зарабіў асістэнцкі бал пры чацвёртым узяцці варотаў «Сэнт-Луіса», якое ў выніку аказалася пераможным. Беларус запусціў шайбу ўздоўж борта, а Майк Мадана з-за варотаў зрабіў галявы пас на пятачок Дэну Кліры, які ў проціборстве з абаронцам здолеў трапіць у цэль.

Руслан Салей правёў на лёдзе 16 хв. 55 сек. (25 зменаў), зарабіў 1 (0+1) бамбардзіроўскі бал, выканаў 2 кідкі ў створ варотаў, ужыў 4 сілавыя прыёмы, атрымаў 2 хв. штрафу і завяршыў паядынак з паказнікам карыснасці «+2».

Мінулай ноччу ў чэмпіянаце НХЛ адбыліся яшчэ 11 матчаў: «Нью-Ёрк Айлендарс» - «Тампа» - 2:4, «Нью-Ёрк Рэйнджарс» - «Бостан» - 2:3, «Піцбург» - «Ванкувер» - 3:1, «Вашынгтон» - «Бафала» - 4:2, «Караліна» - «Атава» - 7:1, «Атланта» - «Фларыда» - 1:2, «Мінесота» - «Анахайм» - 2:1 (у авертайме), «Каларада» - «Сан-Хасэ» - 4:3 (у авертайме), «Калгары» - «Фінікс» - 1:3, «Эдмантан» - «Чыкага» - 0:5, «Лос-Анджэлес» - «Каламбус» - 3:5.

Лідарам беларускага дэсанта па бамбардзіроўскіх паказніках у цяперашнім чэмпіянаце НХЛ з'яўляецца 25-гадовы нападнік «Манрэаля» Андрэй Касціцын, які зарабіў 14 (7+7) балаў пасля 18 матчаў.

На рахунку 26-гадовага форварда «Таронта» Міхаіла Грабоўскага 13 (4+9) балаў у 17 паядынках, 36-гадовы абаронца «Дэтройта» Руслан Салей згуляў 16 матчаў і зарабіў 5 (0+5) дзейсных балаў, 23-гадовы форвард «Нэшвіла» Сяргей Касціцын пасля 12 праведзеных матчаў набраў 3 (2+1) балы.

Каманда Андрэя Касціцына «Манрэаль» з 25 баламі пасля 18 сустрэч займае трэцяе месца ва Усходняй канферэнцыі. «Таронта», набраўшы 15 балаў пасля 17 паядынкаў, размяшчаецца на 13-м радку на Усходзе. «Дэтройт» з 25 баламі пасля 16 матчаў выйшаў на першае месца на Захадзе. Каманда Сяргея Касціцына «Нэшвіл» з 17 баламі пасля 16 паядынкаў размяшчаецца на 13-й пазіцыі ў Заходняй канферэнцыі.

Гэтай ноччу Андрэй Касціцын у Манрэалі чакае ў госці свайго малодшага брата Сяргея і яго «Нэшвіл», а «Таронта» з Міхаілам Грабоўскім прымае на сваім лёдзе хакеістаў «Нью-Джэрсі».