«Гомсельмаш» зрабіў камбайн-танк (Фота)

«Гомсельмаш» паставіў у Амурскую вобласць Расеі збожжаўборачны камбайн «ПАЛЕССЕ GS812С» на гусенічным ходзе.

Машына распрацаваная па запыце Міністэрства сельскай гаспадаркі Амурскай вобласці з улікам прыродных асаблівасцяў гэтага рэгіёну - для працы на палях падвышанай вільготнасці, паведамляе БелаПАН.

Камбайн прызначаны для прамой і раздзельнай уборкі збожжавых каласавых культураў, але з прымяненнем спецыяльных прыстасаванняў яго таксама можна выкарыстоўваць для ўборкі соі, збожжавай часткі кукурузы, сланечніка, зернебабовых, крупяных культураў, насеннікаў траваў і рапсу.

Першы машынакамплект камбайна на гусенічным ходзе быў адгружаны ў кастрычніку на ЗАТ «Шыманоўскі машынабудаўнічы завод «Кранспецбурмаш» - сумесную беларуска-расейскую вытворчасць, дзе была праведзеная дазборка.