ЦВК: 10 кандыдатаў сабралі подпісы
23- 9.11.2010, 13:00
10 з 11 патэнцыйных кандыдатаў на пасаду прэзідэнта Беларусі падалі ў выбарчыя камісіі неабходныя для рэгістрацыі 100 тысячаў якасных подпісаў.
Пра гэта «Радыё Свабода» паведаміў сакратар ЦВК Мікалай Лазавік. Паводле яго словаў, толькі прадпрымальнік з Віцебску Уладзімір Правальскі не справіўся з заданнем – ён не падаў нават адну тысячу арыгінальных подпісаў у сваю падтрымку.
Найбольшая колькасць якасных подпісаў была ў Аляксандра Лукашэнкі – 1 мільён 110 тысячаў 291 подпіс, найменшая – у Рыгора Кастусёва – 101 001 подпіс.
Зараз па 13 лістапада ўключна прэтэндэнты пададуць у ЦВК заяву аб сваёй згодзе балатавацца на пасаду прэзідэнта, дэкларацыі аб даходах і маёмасці і іншыя дакументы.
Рэгістрацыя кандыдатаў плануецца на 18 лістапада.
