Двое беларусаў з перасаджаным сэрцам памерлі ад свінога грыпу

З 11 пацыентаў, якім у Беларусі зрабілі перасадку сэрца, двое памерлі ад пнеўманіі, выкліканай пандэмічным грыпам А(H1N1).

Пра гэта «Інтэрфаксу» паведаміў дырэктар РНПЦ «Кардыялогія» Аляксандр Мрочак.

«За год, які мінуў з пачатку першай аперацыі па перасадцы сэрца, у Беларусі было зроблена 11 трансплантацый гэтага органа. Трое з гэтых пацыентаў памерлі. Двое ад пнеўманіі, выкліканай пандэмічным грыпам А(H1N1), і адзін ад пнеўманіі іншай прыроды», паведаміў Мрочак.

Пры гэтым ён растлумачыў, што «арганізм пацыентаў, якім праведзена перасадка донарскага сэрца, падвергнуты небяспецы заражэння інфекцыйнымі захворваннямі, у прыватнасці пнеўманіяй. У такіх пацыентаў падаўляецца імунітэт спецыяльнымі прэпаратамі, якія прымяняюцца, каб не адрывалася сэрца».

Паводле словаў Мрочака, «памерлі пацыенты, якія былі не ў ліку першых, каму былі зробленыя аперацыі па перасадцы сэрца».

На дадзены момант у лісце чакання на трансплантацыю сэрца ў Беларусі знаходзіцца 25 чалавек, а маюць патрэбу ў такой аперацыі больш за 100 хворых, удакладніў дырэктар РНПЦ. Аляксандр Мрочак адзначыў, што беларускія кардыёлагі рыхтуюцца правесці сёлета аперацыю па трансплантацыі комплексу «лёгкае-сэрца», але перад гэтым будзе праведзена аперацыя па перасадцы лёгкага.