У Менску знайшлі 100-кілаграмовую бомбу
19- 17.04.2010, 15:29
100-кілаграмовую фугасную бомбу знайшлі падчас зямляных работ на вуліцы Шаранговіча.
Як паведамляе тэлеканал СТВ, бомбу савецкай вытворчасці знайшлі недалёка ад ЦЭЦ-4.
У суправаджэнні нараду ДАІ снарад эвакуіравалі за межы Менска і знішчылі на падрыўной пляцоўцы 120-й механізаванай брыгады.
«Бомба была баявая, гатовая да дзеяння, - распавёў намеснік кіраўніка выбуха-тэхнічнага цэнтра Унутраных войскаў Зміцер Гаўра. - Яна магла спрацаваць ў любы момант, тым больш што праводзіліся будаўнічыя работы ».
