Попыт на даляры ЗША ў пяць разоў перавысіў прапанову
9- 30.04.2010, 17:17
Курс даляра ЗША па выніках біржавых таргоў, якія прайшлі 30 красавіка, не змяніўся і складае 2.961 рубель.
Паводле дадзеных Беларускай валютна-фондавай біржы, у таргах далярам удзельнічала 27 банкаў. Попыт на паўночнаамерыканскую валюту ў пяць разоў перавысіў прапанову. Аб'ём пагадненняў склаў 27 млн. 779 тыс. (попыт — 27 млн. 779 тыс., прапанова — 5 млн. 360 тыс.), паведамляе БелаПАН.
У таргах расейскім рублём удзельнічала 27 банкаў. Курс вырас на 0,47 рубля да 101,57 рубля. Аб'ём таргоў склаў 403 млн. 688 тыс. расейскіх рублёў (попыт — 419 млн. 505 тыс., прапанова — 403 млн. 688 тыс.).
У таргах еўра прынялі ўдзел 26 банкаў. Аб'ём пагадненняў склаў 12 млн. 264 тыс. (попыт — 12 млн. 277 тыс., прапанова — 3 млн. 239 тыс.), а курс вырас на 26 рублёў да 3.934 рублёў.