Мітрапаліта Філарэта ўзнагародзілі ордэнам Дзяржкантролю
- 9.04.2010, 14:37
Нагрудны знак КДК уручаны за «значны ўклад у духоўна-маральнае і патрыятычнае выхаванне работнікаў органаў фінансавых расследаванняў».
Як паведамляе «БДГ», вышэйшую ўзнагароду кантралюючага ведамства - нагрудны знак КДК, Уладыку Філарэту ўручыў старшыня Камітэта дзяржаўнага кантролю Беларусі Зянон Ломаць.
У сваю чаргу, Мітрапаліт Менскі і Слуцкі Філарэт, Патрыяршы Экзарх усяе Беларусі ўручыў кіраўніцтву фінансавай міліцыі Камітэта дзяржкантролю ікону апостала Паўла.
