Аварыя на Брэсцкім заводзе бытавой хіміі

На Брэсцкім заводзе бытавой хіміі была парушаная герметычнасць запорнай арматуры, з-за чаго адбылася ўцечка прапан-бутана.

Пра гэта паведаміў БелаПАН вядучы дзяржаўны інспектар хімічнай прамысловасці Брэсцкага абласнога ўпраўлення Дзяржпрамнагляду Яўген Колчын.

Аварыя адбылася 1 траўня ў 12.05 на складзе прапан-бутану, які выкарыстоўваецца ў вытворчым працэсе прадпрыемства. Гэта адкрытая пляцоўка, дзе знаходзяцца чатыры надземных ёмістасці па 25 кубічных метраў з газам пад ціскам 10 атмасфер.

На запорную арматуры адной з іх дзяжурная змена выявіла разгерметызацыю сальнікавай ўшчыльнення і як следства уцечку звадкаванага газу. Спачатку рабочыя спрабавалі ўласнымі сіламі ліквідаваць аварыю, затым выклікалі на месца здарэння аварыйную брыгаду міжраённага вытворчага ўпраўлення «Брестмежрайгаз». Яго спецыялісты вызвалілі ёмістасць ад газу, перапампавалі яго ў аўтацыстэрну, і ўсталявалі перад няспраўнай арматурай заглушку.

Падчас ліквідацыі аварыйнай сітуацыі супрацоўнікі МНС вялі замеры канцэнтрацыі газу на тэрыторыі склада. Па іх дадзеных, перавышэнне мяжы дапушчальнай канцэнтрацыі прапан-бутаны на складзе і за тэрыторыяй прадпрыемства дапушчана не было. Аварыя была ліквідаваная ў 17.45