Дзяўчына арыштаванага футбаліста плануе пікетаваць турму на Акрэсціна

Сяброўка камерунцам Гі Франсуа Тукама, затрыманага беларускімі памежнікамі больш за месяц таму, едзе ў Менск.

Інмакулада Гонзалес даведзеная сітуацыяй да такога стану адчаю, што вырашыла зладзіць пікет ля следчага ізалятара на Акрэсціна, перадае «Еўрарадыё».

Менавіта там брамнік нарвежскага футзальнага клуба дагэтуль чакае дэпартацыі, паведаміў праваабаронца Валянцін Стэфановіч.

"Ён знаходзіцца там, дзе знаходзіўся. Яго дзяўчына шле нам лісты. Яна абсалютна разгубленыя і нават збіраецца ўжо сюды прыязджаць, ладзіць пікет на Акрэсціна і патрабаваць, каб яго выпусцілі», - паведаміў праваабаронца.

12 ліпеня Стэфановіч размаўляў з дыпламатамі з амбасады Камеруна ў Маскве. Па іх словах, пакет дакументаў для вызвалення Гі Франсуа Тукама даўно дасланы ў Беларусь. Але беларускія памежныя службы гэтых дакументаў пакуль не атрымалі.

Нагадаем, што футбаліст быў затрыманы ў Беларусі больш за месяц таму па падазрэнні ў падробцы дакументаў.